Mənim üç rəngli bayrağım

      Hər bir azərbaycanlı kimi, mən də babalarımızın qurduğu bu azad və müstəqil dövlətlə, onun rəmzləri ilə fəxr edirəm. Başımız üstə dalğalanan üçrəngli bayrağımızda vətənin gücünü, qüdrətini görürəm. Üçrəngli bayraq bizim mənəvi sərvətimizdir, inanc yerimizdir. Bayrağımızın tarixin keşməkeşli yollarından keçib, illərin sınağından çıxıb. Müstəqillik uğrunda gedən mücadilələrdə şəhid olmuş minlərlə oğul və qızların qanına boyanıb. ona görə də bayraq müqəddəsdir. Üçrəngli bayrağımız 1918-ci il Noyabırın 9-da Azərbaycan Xalq Cümhuriyyəti hökumətinin qərarı ilə dövlət rəmzi kimi qəbul edilib. Lakin 1920-ci il Aprelin 28-də Xalq Cümhuriyyəti süqut etdi. Azərbaycan bolşeviklər tərəfindən işğal olundu. Bayrağımız yasaq edildi. Uzun sürən illər ərzində qəlbi azadlıq və müstəqillik arzularə ilə döyülən ulularımız, ziya sahibləri alimlərimiz bayrağımızı unutmur, xalqı yeni mübarizəyə səsləyirdilər. Azərbaycanın dilbər guşəsi olan Qarabağ uğrunda başlanan meydan hərəkatının ilk günlərindən üçrəngli bayrağımız Azadlıq meydanında əbədi məskən saldı. Milyonlarla vətən övladı məhz bu bayrağın altında Azərbaycanın bütövlüyü uğrunda döyüşlərə atıldı. İkinci dəfə 1990-cı il Fevralın 5-də Azərbaycan respublikasının Ali Soveti bayrağımızın Azərbaycanın dövlət bayrağı kimi qəbul edilməsi barədə tarixi qərar verdi. Konstitusiyamızda yazıldığı kimi, dövlət bayrağımız bərabər üç enli zolaqdan ibarətdir. Yuxarı zolaq yaşıl rəngdədir, orta zolaq qırmızı, aşşağı zolaq yaşıl rəngdədir. Mavi rəng xalqımızın türk mənşəyini, qırmızı rəng müasir cəmiyyət qurmaq, demokratiyanın ikşaf etdirmək istəyi, yaşıl rəng islam sivliyasiyasına mənsubluğunu ifadə edir. Azərbaycan bayrağı bizim fəxrimizdir. Onu başı üzərində uca tutmaq, vüqarla dalğalandırmaq hər bir azərbaycanlının şərəf borcudur!